Usem nüt chöme üs Ideenä i Chopf gschosse. Mir verbringe ja scho ä gwüssi Zyt dermit üses Outdoor Equipment z bruuche und dämentsprächend ou immer nöis Züg azluege, aber dassmä das säuber chönnt mache, sowit simer no nie cho. Mit em Wortbild „Gaver“ aus Idee chöme ouscho die erste Logo Gedanke uf: Ä Bärg. Ä heimelige Bärg. Aber was bedütet Gaver?
Zwöi Übersetzige ploppe uf. Die ersti seit se gaver sig ds französische Verb für sich vollstopfen. Guet. Was bringtmer das. I studiere scho was ä Message derhinger söu si, so schlächt isches doch gar nid. Üsi Gsellschaft rennt immer nöie Attraktione nache und vergisst ja vorzue das wo gad isch gsi. Dr Feed uf Insta aktualisiert ja wed duesch abe swipe. Für uf genau uf das Ufmerksam z mache und genau däm habens-begierende Zug vo üsere Gseuschaft gägästüür z gäh, für das gömer!
Zum Glück liseni ouno die schwedischi bzw. dänischi Übersetzig vo däm Wort. Dört heissts Gschänk (bzw. Mz. Geschenke). Isch nid genau das z Wort woni ha derna gsuecht? Isch nid d Natur eis vodä gröschte Gschänkt wo mir hie hei?
Genau so entsteiht üses Gaver und mir hei no viu vor!
Gaver für d Natur, Gaver für di!