Homebrew

Ä Teil vo üsere Tätigkeit besteit us Bier braue und gniesse. Mir probiere immer wieder neui Rezäpt us. 0815 Lagerbier wirsch du i üsem Sortiment nie gseh!

Üses Bier isch o zum Verchouf verfüegbar.
Mir hei aber ke öffentlechi Betriebszyte.
Als Mitglied gits natürlech ä priisleche Vorteil.

Bi Intresse chasch du di o jederzit fürne Brautag mäude und derbi si, we das flüssige Gold entsteiht.

Red Sunset Ale

Üses drittä isch es rots! Ä irisch prägte Charakter überzügt hie und setzt sich ir Kombination mit Weize düre. Drü verschiedni Hopfesorte hei sech zämetah zumne unschlagbare Gschmack.

Für Degustation und Bstellig, chasch du di gärn bi üs mäude via Kontaktformular!

Summit Sunrise Wheat Ale

Sud Nr. 2 isch mittlerwile ou im Fass! Das Weizebier bringt ä erfrüschendi Mischig us Hopfe- und Hefeakzänt wosech im Abgang entfaute. D Sprützigkeit geit nim aber nid verlore. Es Bier für Jedermann und Jedefrau! 🙂

Für Degustation und Bstellig, chasch du di gärn bi üs mäude via Kontaktformular!

Wild Hay IPA

Üses erschtä Bier het si wäg usem Gärtank gfunde. Das hopfige India Pale Ale, wo amne New Englang IPA nach verwandt isch, überzügt näbe Hopfebitteri mit fruchtige Note.

Für Degustation und Bstellig, chasch du di gärn bi üs mäude via Kontaktformular!